MIT (EYE) LEH A BEH BAWM TE

MIT (EYE) LEH A BEH BAWM TE

Hriselna Huang/Hmâng Châng

A tir lama hmui hil (matt) senduk leh uk duk kuk mai inhnawih kan intihhmuh chhoh a, Zoram ṭhalai, kei ka ni inti ve deuh chin tawh chuan kan hmui kan hnawih duk ṭhap zel a nih kha maw. Chumi ina ahrin chhuah pakhat hmuiduk hnu lawka kanuar chhuah tak mithmul thai tak chuan Zoram ṭhalaite mai piah lamah nutling thlengin min run mek zel anih hi.

Korean ho ngaihsan avanga makeuptlemte hmana pawisawi lohmel takaincheina kan uar viau ṭhin kha rawn paih thlain, gothic leh tlema tak/ thim lam hmel hmai chei nan kan uar chho dawn chauh niin a lang. Hmel ati lang chiangin keini khawchhak lam hmel pu tan phei chuan hmel ati lang chiang deuh nge nge a ni.

Fiona Pachuau chuan chiang tak maiin a mit hmul thar, dum kâk mai chu amah zuitute (followers) hoin eng nge an ngaihdan ni ang chu aw, ti niawm ziazangin Instagram-ah a rawn post a, a hmelṭha ti hrim hrim chuan a mit hmul a tih danglam hma leh hnuah pawh a hmel an hmuh dan a danglam em em lo te pawh a ni ang e. A hmelṭhat reng thu an comment mawlh mawlh a, chumi karah chuan hmeichhe tam zawk zawhna khawi hmuna tih nge? Tute tihsak nge? A insenso zatte nen lam an lo zawt mawlh mawlh bawk.

Ani bakah hian tunlai ṭhalai zaithiam zinga kan duh rawn Sangtei Khuptawng leh, mi nu mah nise kan ngainat ban theih loh Feli Thangluah te pawhin an mit hmul thar an rawn post ve bawk a, milar an lo ni sa bawk nen ngaihventu an ngah phah hle a ni. Ram changkannain a ken tel, permanent makeup lamah pawh hma kan sawn nasatzia kan hmu mek a ni. Tun aṭanga hun reiloteah hian Aizawlah eyebrow micro pigmentation (mithmul lem siamna) clinic pawh kan hmu thuai dawn niin a lang.A senso zat tur pawh Rs. 6,000/- vel aṭanga inṭan tur ni awm tak a ni.

Nitinhmanhmawh tawkamithmul thai tak ziahngaiṭhinkha permanent-a tih theih a nih ngat chuan hun tam tak min save sak bakah tuia tih huh palha a reh palh ang tih hlau reng renga buai ngai tawh lo khan zing i thawh aṭanga zan i mut dawn thlenga mit meng fiah tak mai han put kâk mai kha chu tlema a to deuh a nih pawhin a phu tho i ti ve lo maw. Hmeichhe incheina turah ringawt ilo ngai ang e. Ram changkang ah te chuan cancer leh natna ṭhen-khat avanga hmultla kawlh te leh pianpui hmul ngah lo chi hrim hrimte chuan intih nalhna mai ni lovin an hmang ṭangkai tawh hle a ni.

Tuna kan sawi bik eyebrow (mit hmul) mai ni lo, lua ser nei khuh nan te, sam tlakawlh tan te leh sam tlem lutuk ten micro pigmentation hmang hian nasa takin hma an lo sawn tawh a ni.Tatoo nen a danglamna chu tattoo bikah hi chuan vun chhungril berah a bawlhlo kha hriau hmanga thunluh a nih ṭhin avangin a reh ve mai mai tawh lova, duhthusama a chhuah loh phei chuan tihdanglam ngaihna a awm tawh lo ṭhin.

Micro pigmentation bikah chuan vun pawn lang ber, epidermis leh a dawt chiah derma inkarah hriau hmanga thunluh chu khawih danglam duh hlauh pawhin thil harsa lutuk anih loh vang te pawh a ni ang e.Amaherawhchu, mi tam tak tan, a bikin mit hmul nei tlem lutuk ang chite tan malsawmna anih dawn rualin uluk taka inngaihtuah hnua tih chi niin a lang.

Nisa leh facial avangtea a rawng a dak theih avangte leh enkawl uluk a ngaih avangin a duh nazawng tih chi pawh a ni lem lo.Fashion hi in (lut) leh out (chhuak) reng anih avangin heng bushy eyebrows kan tih ho, model lar Cara-i'na a rawn tihlar ang te hi eng chen nge kan uar dawn tih a hriat miau loh avangin mutmawh hnarmawhah lo lak vak chi pawh niin a lang lo.


Amaherawhchu, kan hmaifang leh a hmun azirtein thai dum dan tawk thiam ila, mite hmuha uchuak lutuk leh mawi lo khawp a awm tih hriain, tlema naupang deuh hlek phei chu min ti lang upa/ chal tih hriain a mawi hnai zawng chungin nalh takin i lo thai kawi leh dawn nia.

HRAWK (TONSILS AND THROAT) NÂ ENKAWL DAM DAN

HRAWK (TONSILS AND THROAT) NÂ ENKAWL DAM DAN

Kan hrawk/tonsils a nat chuan kan thil ei pawh a ti nuam lovin ati tui lo zo vek a ni. Enkawl dan thasi awlsam bawksi chu ka lo share ve ange.

I tonsils emaw i hrawk a rawn nat chuan; Tui i ngamtawka sa kha la la i dang thuah rawh. A theih chuan chi(salt) tlem thlak bawk rawh.Khuaizu i neih chuan a tha em em bawk.

Tuilum no khatah khuaizu fian(teaspoon )khat thlak la, in mix turin chawk la tichuan, in vek rawh.

(HRIAT TUR) 

Naupang kumkhathnuailam chu intir loh tur.

A chunga ka tarlan tak pahnihte khi zing leh zana tih tur a ni. Ni reiloah i dam nghal ang.

Note: I hrawk/tonsils nat laia Eg.Kuhva, meizial, Sahdah i tih reng si chuan i dam hun turah i dam thei lo ang.


Credit : Tluanga

HRITLANG LAKA NANGMAH LEH MI DANGTE VEN HIM DAN.

HRITLANG LAKA NANGMAH LEH MI DANGTE VEN HIM DAN.

Balhla, Bronchitis, Hnar, Hritlang, Mit, Pneumonia,Sahbawn, Tlang Hrileng, Tui,Tlang hrileng (hritlang) kan tih mai hi Sap ṭawng chuan Common Cold tih a ni a, inkaichhawn awl em em mai a ni a, khawtlang huap anga vei ṭhup theihte a nih vang a ni ang e.

An theihtawka thil lo chik ṭhin kan pipute hming phuah danah pawh hian a lang chiang hle.Hritlang hi naupangin sikul an ṭhulh phah fona chhan leh puitling pawh ni tin hna kan ṭhulh phah fona a ni a.

A tlangpuiin puitling hian kum khatah hritlang vawi 2-3 vel kan nei a, naupangin hei ai hian an nei zing thung bawk.

India ram pum huap emaw, Mizoram pum huap ang emawin kum tina hritlang vei zat hi statistics mumal tak la nei lo a niawm e,A tam zawk hi chuan thlasikah leh thal chho vel ah hian hritlang kan kai (vei) nasa deuh ber a, kum tluanin hrithlang hi engtik hun lai pawhin a kai theih tho bawk a.

A natna lanchhuah dan tlangpui chu:

Hrawk thip, hnap tui, khuh, hahchhiau, lu na, taksa na ṭhem ṭhum te a ni a. A tlangpuiin ni 7-10 hnuah a dam leh mai ṭhin nain, taksa chak lo – asthma leh chuap ṭha lo sa te, leh naupang tan chuan dam chian a har hle a, bronchitis leh pneumonia natna te pawh an vei phah thei a ni.

KAI LO TUR A IN VEN DAN.

Hritlang kaihi natnahrik hranghrang avanga lo darh/kai a ni a, boruakalengvel aṭang leh inhnaihchilh lutukin a kai theih a ni. Tin, damlo zun leh ek te, khak/hnap leh chil per aṭang tein a kai theih bawk a. A vei te nena inchibai / kut invawnsak aṭang ringawt te, a khawih hnu khawih ve hnua mit, ka leh hnar khawih ve leh aṭang te pawhin a kai theih a ni.

IN ENTIR NGAIH HUN TUR.

I hritlang chu ni 10 aia a rei chuan inentir tur a ni. Tin, kum khat chhunga vawi 3 aia tam i hritlan chuan daktawr rawn ang che. Nausen thla 3 aia naupang an hritlan a, khawsik a tel bawk chuan entir vat tur a ni.

Hemi bakah hian hritlang i lak nat viau a, khawsik leh taksa na ṭhem ṭhum te a awm deuh reng chuan inentir vat tur a ni bawk. Chumi bak loah chuan hritlang satliahah chuan rilru tihhah em em a ngaihran lem lo. Balhla hi hritlan laia ei hian a tiziaawm viau niin an sawi bawk, lo ei ve chhin teh!

Tui leh sahbawn nen kut sil fo tur:

Second 20 vel tal kut hi sil ngei ngei tur a ni a, naupang te pawh zirtir tur a ni. Sil a remchan lohna hmunah pawh hand sanitizer hman hram hram tur a ni.

Kan Kut te lo silfai loin mit, hnar leh ka khawih loh tur ani a. Hritlang (natna hrik) te hian hengaṭang hian kan taksa ah lutin hritlangan kaichhuak ṭhin a ni.

Damlo hnai loh tur: 

Hritlang veite hian awlsam takin an kianga mite hnenah virus an thehdarh thei a ni.

M DANG VEN DAN TUR.

Hritlang i kai chuan mi dangin an kai ve lohna turin hetiang hian i ti ang:

Hritlan lai chuan inah awm tur a ni mi dang hnai lutuk loh tur – inkuah, infawh leh inchibai ang chi te tih loh tur khuh dawn leh hahchhiau dawnin mi dang lak aṭanginkal kian turani , khuh leh hahchhiauin inhup ṭhintur ani khuh, hahchhiau leh hnap hnit zawhah kut silfai ṭhin tur, thil khawih ṭhin –toys leh khawngka kharna lai te hrukfai fo tur.

IN ENKAWL DAN TUR

Hritlang damdawi hi a la awm lo a, tihdam theih loh natna a la ni! I ziaawm deuhna atan erawh tui in tam a, hahchawlh tam i mamawh a ni.Damdawi ṭhenkhat, pik lutuk tur han tiziaawm deuh thei te chu awm mah se, a dam hma-na tak tak erawh a ni lo a ni.

Antibiotics damdawi hmawm nghalmai pawh hian hritlang lakah enghna mah a thawk theilo ani , ṭul vak loa i ei fo phei chuan bacteria vanga natna i tawrh hunah tihdam harsa tak (antibiotic resistance) a thlen thei a ni. Damdawi kawma inziak te ngun takin chhiar ṭhin la. Daktawr chawh kher ngai lo chi hritlang damdawi i ei dawn pawhin mithiam rawn ṭhin ang che, naupang ei chi loh damdawi te pawh a awm nual a ni tih hre reng la.

IN ENTIR NGAIH HUN TUR.

I hritlang chu ni 10 aia a rei chuan inentir tur a ni. Tin, kum khat chhunga vawi 3 aia tam i hritlan chuan daktawr rawn ang che. Nausen thla 3 aia naupang an hritlan a, khawsik a tel bawk chuan entir vat tur a ni.

Hemi bakah hian hritlang i lak nat viau a, khawsik leh taksa na ṭhem ṭhum te a awm deuh reng chuan inentir vat tur a ni bawk. Chumi bak loah chuan he hritlang satliahah chuan rilru tihhah emem a ngaihran lemlo. Balhla hi hritlan laia ei hian a tiziaawm viau niin an sawi bawk, lo ei ve chhin teh!

Aieng Damdawi a tan a a țhat na te

AIENG THAT NA TE

Damdawi a tan a a țhat na te

1.Thi tling tan :- thi tling tan Aieng bulbal hring rawt sawm a tuam hnan a țha .

2.Sa engpawh eisual ah:-  A bulbal densawm tui sawr a țha.

3.Eisual a vanga kawțhalo ah :-   A bulbal ro dip emaw, a hring den sawm tui pawlh a in țhin a țha.

4.   Pumna:-   A hnah zik no ei a țha. A bulbal hring ei pawh a țha.

5.Santen:- A bulbal hring densawm tui in a țha.

6.Thinna nei tan :- Pumpui țhat loh vang a na ah  Aieng leh tel hel chawh pawlh ei ațha.

7.Tui hri (cholero):-   Aieng hring rawtsawm tuisawr in a țha.

8.Thawhah  Emaw Thawchham  :-  Asthma atan Aieng leh chakai den pawlh a chhum tui in a țha hle

9.Pumpui chakna :-  Aieng bulbal hi densawm in tui hi chi tlem al a, chu chu nitin vawi 3. 30 ml a in  a țha, pumpui chakna țha tak a ni.

Aieng bulbal hi pan tak in zailep ila, pho ro  ila, nitin  lep 3  zel in Khawi-zu nen ei pawlh țhin ila, pumpui- na tan damdawi țha tak a ni.

10. Hahni puam leh ha-na:- Aieng tui hmuam a țha.

11.Zun lem tan:- Aieng  bulbal dip, Sunhlu leh khawizu chawhpawlha in hian zunin leh zun kawng lam natna reng2 ah dawmdawi țha a ni tlat.

12.Be-vung leh inhliam:-   Aieng leh chinai chawh pawlh hnawih hi a țha hle, in hliam thisen chhuakah pawh aieng dip bel hi a thi danna țha tak a ni.

13.Aieng Hmeihchhe tan tha hle:-  Naupai lai a khawsik te, hrin tawh hnu a thisen țha lo la cham bang te, Vung leh luhaite leh Thak  tan te pawh Aieng tui, tui pawlh  hnawih te in tir te inbual nan a hman te hi chung natnate a tan chuandamdawi țha tak a ni.

14.Thawk dawt țha lo (Bronchitis):-   Aieng tui sawr (Spoon) 1 leh Bawnghnute rialno khat chawhpawlh ni tin vawi hnih in a țha.

15.Ringworms leh vun thak :- Aieng bulbal tui sawr hnawih  a țha. Vun thak chi reng2 in a ngeih.

16.Ril phir -na tan  :-  Aieng  bulbal hring densawm tui tlem pawlh a in țhin a țha bawk.

17.Mitliam :- Aieng leh khawizu chawh pawlh in a țha.

18.Rulchuk :- Aieng bulbal ei a a hmuamhma ah chuan bel a țha bawk.

19. Ke lei ei:- Aieng dip leh tel chawhpawlh hnawih a țha.

20.Nghamit:- Aieng hring tuam hnan a țha.

21. Mit chukpalh :- Aieng rawh lum hnawih a țha.

    Heng ami  te hi i tan a țangkai hun a awm tak in vawng țha hi a pawimawh in , Tin midang țanpui nan pawh hman ngaih hun a awm mial thei, midang tan malsawmna lo ni ang che.

DAMDAWI EI DAWNA HRIAT TUR PAWIMAWH

DAMDAWI EI DAWNA HRIAT TUR PAWIMAWH

1. Mimal tinah damdawi hnathawh a danglam thei.

2. Kum upat danin damdawi hnathawh a tidanglam thei.

3. Zu in mi-ah te, meizial zu mi-ah te, ei leh in hrang hrang avang pawhin a danglam thei.

4. Vawi khata damdawi chi hrang hrang ei pawlh vakte hian taksaah chhiatna a thlen theih laiin kan ei chhan ber natna atan a thawk miah lo thei.

5. Mahni thua damdawi inchawh hi a hlauhawm hle.

6. Zunthlum damdawi, Antibiotics, Phungzawl damdawite leh Lungnâ damdawite hi a ruala ei hauh loh tur.

7. Heng damdawi ei lai hian Antacid (Pumpui chakna) ei miah loh tur:

• Tetracycline
• Chloroquine
• Phenytocin
• Ciprofloxacin
• Doxycycline
• Rifampicin
• Azithromycin
• Enalapril
• Digoxin
• Ofloxacin

9. Ciprofloxacin leh Ofloxacin te, Tetracycline leh Doxycycline te hi Iron telna damdawi chi nen ei pawlh loh tur.

10. Antibiotics te hi chaw ei kham veleh ei ai chuan, chaw ei hma darkar khat emaw chaw ei hnu darkar hnih hnua ei tur.

11. Tetracycline ei laiin bawnghnute lam chi ei loh tur.

12. Tetracyline hi naupang kum 12 hnuai lamah hman loh tur.

13. Thisen sang damdawite hi chaw ei hma darkar khat emaw, chaw ei kham darkar hnih hnua ei tur.

14. Ciprofloxacin ei laiin bawnghnute lam chi leh Iron telna ei loh tur.

15. Antifungal Drugs heng, Fluconazole, Griscofuvin, Ketoconazole ei laiin bawnghnute lam chi ei miah loh tur.

16. Zu in mi tan Paracetamol ei miah loh tur, thin a ti chhe thei.

17. Hritlang damdawi leh Antihistamine ei laiin lirthei khalh loh tur.

THISEN SANG (HIGH BLOOD PRESSURE)

THISEN SANG (HIGH BLOOD PRESSURE):

  - Dr. C. Lalrampana

      Khawvela natna tam ber, kan buaipui em em thin, chhungkaw tin leh in tin luhchhuahtu tih mai tur, mihring nunna suat hnem bertu leh ramtuileilova min siam hnem bertu tih mai tur Thisen sang (High blood pressure) BP Sang hi a chanchin tlangpui leh inekawlna te, vai damdawi (Conventional medicine) hmang lova lova, Pathian min peksa thing, thlai leh hnim leh theihrah ilo hmanga tihdam dan (Natural Home remedies) chungchang  bih chiang  teh ang. A taka kan tih ve nghal zel theih phei chuan kan tangkaipui hlein a rinawm.

        Thisen sang hi Lung atanga thisen pechhuaktu thisen dawt hrang hranga thisen luh dan tur anga lut tha thei lo, engemaw daltu avanga thisen kal tha lo thin hi a ni ber a; chu chu tha taka a kal theih nan theihtawp chhuaha hmalak a ngai thin a ni.

Thisen sang hi tehna chi hnih (2)-in a teh theih a, chungte chu:

1. Systolic leh 
2. Diastolic  a ni.

Systolic measurement (tehna) chuan Lungin thisen a pe chhuak tha em tih lam a chhui a, hetihlai hian  diastolic measurement (tehna) chuan Lungin thisen a pek chhuah that loh dan a chhante a chhui ve thung a ni. Puitling hrisel pangngai thisen awmdan tur (normal ranges) chu hetiang hi a ni.

1. Systolic blood pressure ... 100 - 140 mm Hg

2. Diastolic blood pressure ... 60 - 90 mmHg.

        Thisen awmdan tur chu systolic Blood pressure 120 leh diastolic pressure 80 = 120/80  tiin an sawi thin a, hei hi mihrisel pangngai thisen awmdan tur tehna pangngai (normal) chu a ni.

       Tichuan, miin a thisen tehna systolic Blood pressure 140 leh a hniam lam diastolic pressure 90 aia sang a pelh chuan Thisen sang a nei kan ti thin a n.

A ven dan(Prevention): Thisen sang laka inven dan hi sum tam tak sen ngai lovin, mihringin a finna hmanga tih theih tam tak a nei a chungte :

1. Kan thil chin tha lo leh nunphung tha lo thlak danglam a ngai phawt.

2. Chi al (salt) leh sodium diet lam chi ei tlem a, thei thur leh thlai hring lam ei tam a pawimawh,

3. Kan rih zawng awm dan tur dik tak mila kan insiam rem a ngai.

4. Kan phak tawk leh ngeih tawka taksa sawizawi ((physical exercise) a ngai hemi atan hian kea kal tam hi a pawimawh hle.

5. Chawlh hahdam leh urhsun taka inngaihtuahna neih (Meditation & relaxation – yoga).

6. Kea kal tam zawng tehna (measurement for brisk walking) hi khawl tereuhte kawnghrena pai mai chi a awm a; chu chu hman theih chuan a tha hle. Nitina kan pen tam zawng inang tlanga tehchhuaktu atan a tha hle.

7. Zantin mut dawnah tuisa ngam tawka saa vawi 1 inleih hnua tuivawta inbual zui hi a tangkai hle.

8. Tuktin ni chhuah hma a tuivawta inbual thin hi thisen sang thunun nan a tangkai hle.   

Thisen sangin a nghawng theihte: Thisen sang hian nghawng  tha lo tak tak a nei a, engtenge a nghawng theihte chu kan hriat chian a pawimawh a, 

hetiang hian I han belchiang teh ang:

1. Phungzawl ang maia tluk thuta zen thutna (Stroke) a thlen thei

2. Lungna leh Lungphu chawl (Heart attack or heart failure)-a thihna a thlen thei.

3. Thluaka thisen zam chat leh puakkeh (Rupture & hemorrhage) a thlen thin a, thihna a thlen thin.)

4. Kal tha lo (Kidney failure) a thlen thei.

5. Zunthlum leh thisen thlum (Diabetes or sugar levels) a thlen/a tisang thei

6. Mit (retina) a tichhiain mitdelna hial a thlen thei .

7. Mihring Dam chen tur (life expectancy) a tihniam thei

Thisen sang lo awm theih chhante : Thisen sang awm theihna chhan hi chihrang hrang a awm thei a, chung zinga langsar zual deuh deuhte chu:

1. Taksa rih tur aia rit hleihluak khawpa thauna (obesity)

2. Sodium lam chi ei tam luattukna (High sodium intake)

3. Zu (alcohol) in tam lutuk

4. Mei zuk emaw ruih theih thil leh sahdah leh hmuam lam chi

5. Mawm leh thau lam ei tam lutuk

6. Sa rep leh thil rep ei tam lutuk

7. Thil uih lam chi leh hmarcha thak ei uar lutuk

8, Hmeh han (Ajinomoto) ei tam lutuk leh a dang tam tak a awm thei.

A enkawl dan: Thisen sang nei tawh chu a inenkawl uluk a ngai hle. Insumtheihna hi damdawi tha ber a ni. A ngeih loh zawng leh a awmtir theitu tarlan takte khi  hriat reng a pawimawh.

         Heng tarlan takte bakah hian mahni in lama Paathian thilsiam man tlawmte te hmanga inenkawl dam theih a ni a, chungte chu hetiang hian thlir ila:

1. Ser (Lemon): Ser thur heng Nimbu, Hatkora etc. ei hian thisen a siam tha a, thisen khang tur thlengin a veng thei.

Thisen sang a tihniam thei a, chubakah lung chakna a pe a, lungphu tha lo leh dik lote a siam tha  thei bawk. Nitin Sertui sawr in thin hian thisen sang a thunun thei a,

Tin, Zing thawh veleh tuilum no khata Nimbu pakhat sawr tela in thin hi a tha hle bawk. 

2. Sunhlu (Amla) :  Tuktin zingkar,  tukthuan ei hmaa sunhlu pum khat ei thin hian Thisen sang a tihniam thei a, tin, thisen a tithianghlim thei bawk. Sunhlu hring hmuh reng a harsa a nih pawhin a um emaw, a rep leh phoro pawh a tha tho bawk.

3. Balhla (Banana) : Balhlaah hian Potassium a tam hle laiin sodium a tlem hle thung a; chuvangin, heng thil chihnihte hi Thisen sang veng tur leh thununtu atan an pawimawh hle.

Tin, cholesterol a awm ve loh avangin Balhla hian thau (fat) a siam ve lo bawk. Chuvangin, nitin Balhla pum khat tal ei thin hi thisen sang neite tan a tha a ni.

4. TOMATOES : Tomato haua ei hian thisen sang a tihniam thei a; Thin (liver) a tihchak bakah thau lutuk tur a veng thei bawk. Chuvangin, Nitin Tomato pum khat tal ei thin hi a pawimawh a, hmarcha leh bekang umte nena sawngbawl erawh a tha chuang lo.

5. Carrot leh Spinach : Nitin Carrot tui (carrot juice ) 300 ml-a spinach juice 125 ml telh, in thin hian thisen sang leh hniam bakah thisen kal tha lo tinreng a siam tha a; chubakah lungna, leh lunga hnai awm, zun kawng tha lo leh Cancer, Pile tha lo, glaucoma, leh coryza thlenga siam thatu damdawi chhenfakawm tak a tling.

6. Fanghma (Cucumber): Fanghmaah hian potassium  a tam avangin Fanghma tui (Cucumber juice) hi Thisen sang leh hniam atan damdawi tha tak a ni. Chuvangin, Nitin fanghma ei hi thisen sang vengtu tha tak a ni.

8. Alu (Potato): Ntitin Alu ei hi thisen sang damdawi tha tak a tling. Aluah hian magnesium a awm avangin thisen sang a tihniam thei thin. Alu hi a kawr nen pum chhumin chi tlem al a tha a, a kawr leh a tak inkarah chi chu a chambang thin a ni,

Alu hi chaw tha tak a ni a; Nitin Alu a kawr nena pumchhum pum khat tal ei hi thisen sang tan a tha hle.

9. Purun var (Garlic): Tui thianghlim Thirfiante lia Purun var tui far 6 pawlha nitin vawi hnih in thin hi thisen sang tihhniam nan a tangkai hle.

Tin, Nitin Purun var mal li emaw mal nga emaw ei thin hi a tha a, bawnghnute nena tengkhang pawh a tha bawk. Hei hian thisen a silfai a. Lungphu chawl, lung tha lo a veng a, kawchhunga boruak chhia (gas) a paih chhuak a, thisen dal tur a veng bawk.

Purun var hi a kawr nena ei hi a thalehzual a. a kawr hian gas a paih chhuak tha bik a ni.

9. Colocasia : Colocasia vegetable nitin 25 grams ei ziah thin hian lungna a veng a; thisensang a tihniam thei bawk.

10. Buttermilk : Regular taka Buttermilk ei hian thisen sang leh hniam a siam tha ve ve thei.

Tin, taksaa tur awmte a paihfai thei bawk a; Bawnghnute atanga siam ni thei se a tha bik bawk.

11. Khawizu (Honey): Thisen sang vei chuan nitin khawizu thirfiante 1-2 ei thin se a tha a, hei hian thisen sang tur a ven bakah thisen bawm a vengin a vawnghim thei bawk.

12. Nim hnah (Neem Leaves): Tuktin Nim hnah tui sawr 25 grams in thin hi thisen sang vei tan a tha hle. Hei bakah hian vun natna a veng a, rila rulhlut awm thlengin a tihlum thei vek bawk. 

13. Dawnfawh (Watermelon): Dawnfawh mu (seeds)-ah hian cucurbocitrin a tam avangin thisen dawt a tizau thei a, chubakah kal (Kidney) tan a tha em em bawk.

Chuvangin, Dawnfawh leh a mu ei tel hi thisen sang leh hniam tan a tha hle. Dawnfawh mu thirfiante 2 daihlima dah ro chu rawt dipin tui chhuanso no khatah telh tur a ni a, chu chu darkar khat vel dah hnuah puan thianghlima sawrin in mai tur a ni a, ni khatah vawi li vel tal in thin tur a ni.

14. Panhnah  kuang leh purunvar inchawhpawlh tawk densawm tui sawr nitin rialno chanve zingkarah leh zan mut dawnah in thin a tha.
      
          Heng kan han tarlan bakah pawh hian hmanraw tangkai tak tak a la awm thei a; vawikhatah tarlan vek sen a ni lo.

       Engpawhnise, he natna la vei lo leh vei mekte pawhin thu awih taka hengte hi kan zawm a, Nitin khel lova kan tih theih chuan Vai damdawi  (conventional medicines/allopathy) hmang lova inenkawl dam leh inven theih a ni tih hriain uluk takin ngaihven theuh ila a lawmawm ngawt ang.

      Thisensang thunun nana allopathy hmang laklawhte tan erawh physician-te thurawn zawm hram hram tur a ni a, damdawi ei inthlahdah emaw mahni thua  Herbal product/Aurvedic leh ramhmul damdawi lo thlak ve ringawt chin hi stroke thlentu tam tak a nih theih avangin Doctor thiam rawn hmasak ngei ngei thin tur a ni.

Chuvangin, Allopathy hi hnualsuat ngawt tur a ni lo tih hriat reng a pawimawh hle.