ANCHIRI ṬHATNA TE:
🌱. A hriak sawrna fe hi *silai hlo* atana ṭha bera an ngaih a ni.
🌱. A kung bul bal hi chawhmeh atana an hman a ni bawk a, chhum, kan leh bai atan te an hmang.
🌱. A bulbal densawm hi *ruhtliak, ruh khi* tuam hnanin ni hnihah a dam hmak thei, tichhin la i hre mai ang.
🌱. A zung sin te te leh a bulbal chhum tui hi *hnute tui* tamna ṭha tak a ni.
🌱. A zung leh bulbal densawm te leh a hnah nuai sawm hi *vun natna* chi hrang hrang damdawi a ni bawk.
🌱. A zung chhum tui in hi *mitliam* damdawi chak tak a ni tlat mai.
🌱. A hnah hring chhum tui in hi *NAU NEIH* awlsamna damdawi ṭha tak a ni.
🌱. A zung dah ro halkhu hi *INFLUENZA* (awmna benvawn) damdawi ṭha tak a ni.
🌱. A zung, a bul tui sawr hi *BENGKHERH* ah thlawr ila vawi hnih khatah a dam nghal mai thei nia!
🌱. A bul den sawm tuisawr hi tur nei chi sehah hnawih ila damdawi ṭha tak a ni.
🌱. A hnah, a kung, a bul ro hal khuah thosi leh vaihmite an awm thei lo a, thosi muh atan a ṭha hle.
🌱 *NOTE:* Hetianga ṭha a nih avang hian khawvelah a lar hle a, India State tam takah hian a vang a, keini mizoram hi a ṭhat duhna leh a tamna pawl ber a ni a, hnam dangho hian *TMB* full trip in an tawlh ru reng a ni.
🌱Ram ṭha kan nei a nih chuan chin pun a awl em em a, sumdawn nan mahni huana chin pun chi a ni.
🌱A bul tan chhum a, sawhthing lin anga lin mai theih a ni a, a ṭhang duh hle a a bula hnim hi a dip ral hma em em a ni.
🌱 Chuvangin kan eizawnna atan Pathian thil thlawnpek hi kan ngaihhlut a, a *FARM* zau tak kan siam a pawimawh. 🌱
🌱 *A ṭhat duhna hmun:* Hmun hnawm, hmun ngaw, damah te a ṭha duh hle.🌱
*BY : TBC. MARENGA*
0 comments: