LAN KHAL DEUH ṬÂLH I DUH EM?
Dry fruits hi intihkhal nan a that rualin kan hman dan azirin intihcher nan pawh a tha tho niin an sawi a, chutih rualin cholesterol level a tihniamin digestion lamah mi a tanpui bawk.
Suman-a'n Times of India health section-a khal deuh talh duh te tana ei tur nia sawi te kan rawn tarlang dawn e:
Suman chuan, "Calorie tamna chaw, paneer leh nuts bakah exercise leh weight training te pawh kan rihna tihpun nan a pawimawh," a ti a, nuts chi hrang hrangte that dan a sawi chu:
1. Almonds: Khal deuh talh duh te tana nut tha ber a ni, "Almonds hi nutrition-ah a sang em em a, fats leh proteins kan taksa mamawh te a pai nghal," niin Suman chuan a sawi.
Almonds-ah hian vitamins leh minerals a tam hle niin a sawi a, "Dietary fibre hmuh theihna tha tak a ni a, lung (heart) tana tha monounsaturated fat, high-quality protein, vitamin E leh magnesium bakah minerals dang potassium, calcium, phosphorus leh iron te a pai bawk. Intikhal duh te tana chawtha a nih rualin thau uchuak (obesity) tur ven nan pawh a tha a, lung natna leh cancer risk te pawh a tihniam thei. Regular tala almond ei hi naupang thang lai thluak tan a tha hle,"* a ti bawk.
2. Khawkherh: Khawkherhah hian Omega-3 fatty acids bakah linoleic acid, alpha-linolenic acid (ALA) leh arachidonic acids te a pai a, chu chu taksa hrisel nana pawimawh tak vek an ni a, nutrient a pai hnem hle bawk a, khal deuh talh duh te tana chaw tha tak a ni.
3. Peanut: Badam kan ti a, ei dan tawk hriat chuan a tawk chauha mi tikhal talh thei tu a ni. Dietary protein a pai hnem a, amino acids a paihnem hle bawk.
4. Macadamia nuts: He nut hian vitamin B1, Omega 9 monounsaturated fatty acids, megnesium leh manganese te paiin, intih khal deuh talh nan a that rualin lung tan a tha hle bawk.
0 comments: