MIHRING LEN ZAWNG TEHNA/SAWINA
Nausên buchip : Nausên piang tir tê emaw, a pian aṭanga thla hnih vêl tûr hi. *Hlamzuih rual* an ti ve bawk.
Nui thei : Nausên chu thla thum an nihin an nui thei a, an nuih theih chu an len zawng sawi nâna hman a ni.
Bawkkhup thei : Nausên mut zangthal a, anmahnia an bawhkhuh theih hun lai hi.
Ṭhu thei : An ṭhu thei a, thla ruk rual vêl an ni.
Bawkvâk thei : Thla 8 tla 9 vel an nihin an bawkvâk thei.
Ding thei : Thla sawm vêl an nihin an ding thei.
Lal zir : Kum khat rual vêl an nih lai hi.
Tualchai rual : Khawlaia tualchai theih an nih lai, kum thum kum li vêl an nih chhoh lai hi.
Se hnung zui rual : Mipa naupang chauh sawina a ni. Daipâwna se khalh ve rual an nih lai, kum 8 vêl an nih lai hi.
Thingnawi fawm rual : Mipa naupang chauh sawina bawk a ni. Mipa naupang kum kua vêl an nih aṭanga an tlangval hma zawng hi thingnawi fawm rual an ni a. Mahse *thingnawi fawm rual* an tih bik tak chu kum kaw mi vêl an ni.
Thingṭang kuai rual : Hmeichhe naupang chauh sawina a nih leh thung. Hmeichhe naupang kum kaw mi rual vêl an ni leh.
Tuiûm hnih zo rual : Hmaichhe naupang chauh sawina bawk a ni. Kum ruk mi vêl hi an ni.
Thingnawi ãwl rual : Mipa naupang thingnawi fawm kha an lo tlangval ve dawn a, *ramṭang rual* an rawn nih dâwn kum 16 mi vêl an rawn nih khân thingnawi fawm an ãwl ṭan ṭhin.
Ramṭang rual/tuha kuai rual : Ram hna leh lo lam hna thawk ve rual sawina ve ve a ni. Mipa an nih chuan *ram ṭang rual* tih a ni a, hmeichhia chu *tuha kuai rual* tih a ni. Nulat tlangval an hriat dâwn hnaih tleirâwl lai hi a ni.
Râlkai ruai : Mipa tleirawl Rawlthar chauh sawina a ni. Hmânlai chuan an indo deuh reng avângin râl do thei rual kum 17 mi vêl sawina a ni.
*Thu lakna James Dokhuma*
0 comments: